दिनांक: ०३/०५/२०
पिंपरी, दि. ०३:पुणे जिल्ह्यातील नसरापूर येथे लहान बालीकेवर अमानुष अत्याचार करून तिचा खून करण्यात आल्याच्या संतापजनक घटनेचा शिवशाही व्यापारी संघ व हिंदू मातंग सेनेने तीव्र शब्दांत जाहीर निषेध केला आहे.
शिवशाही व्यापारी संघाचे संस्थापक अध्यक्ष युवराज दाखले व उद्योजक अनिल गायकवाड यांनी या प्रकरणी मुख्यमंत्री मा. देवेंद्र फडणवीस यांच्याकडे ईमेलद्वारे निवेदन सादर केले आहे.
निवेदनात म्हटले आहे की, “नसरापूर येथील ही घटना समाजमन सुन्न करणारी व माणुसकीला काळिमा फासणारी आहे. चिमुकल्या मुलींवर होणारे अत्याचार रोखण्यासाठी कठोरात कठोर शासन होणे गरजेचे आहे. अशा नराधम प्रवृत्तीला समाजात स्थान नाही.”
प्रमुख मागण्या:
1. आरोपीला तातडीने अटक करून त्याच्यावर कडक कलमांखाली गुन्हा दाखल करावा.
2. हे प्रकरण फास्टट्रॅक कोर्टात चालवून 3 महिन्यांच्या आत निकाल* लावावा.
3. आरोपीला फाशीची शिक्षा देण्यात यावी.
4. पीडित कुटुंबाला शासनाने तातडीने आर्थिक मदत व पुनर्वसन करावे.
“राज्यात महिला व मुली सुरक्षित नाहीत, हे पुन्हा एकदा सिद्ध झाले आहे. शासनाने याप्रकरणी तात्काळ व कठोर पावले उचलावीत, अन्यथा शिवशाही व्यापारी संघ व हिंदू मातंग सेना राज्यव्यापी तीव्र आंदोलन छेडेल,” असा इशारा युवराज दाखले व अनिल गायकवाड यांनी दिला आहे.
युवराज भगवान दाखले
संस्थापक अध्यक्ष, शिवशाही व्यापारी संघ
मुख्य प्रवक्ते, हिंदू मातंग सेना
संपर्क: 9922373959
अनिल गायकवाड(उद्योजक)
—
✍🏻मुख्य संपादक – लहू राम अडसूळ
