पुणे : ७ फेब्रुवारी
साऊ ज्योती सामाजिक संस्था व श्लोक फाउंडेशन माता रमाई आंबेडकर संस्था यांच्या संयुक्त विद्यमाने आयोजित राज्यस्तरीय आदर्श पुरस्कार सोहळा २०२६ मध्ये देहूरोड (पुणे) येथील माहिती अधिकार व सामाजिक कार्यकर्ते प्रशांत लहू जोगदंड यांना “राज्यस्तरीय विश्वरत्न डॉ. बाबासाहेब आंबेडकर आदर्श समाजभूषण पुरस्कार” जाहीर झाला आहे.
समाजाभिमुख कार्य, माहिती अधिकार कायद्याचा प्रभावी वापर, प्रशासनातील पारदर्शकता, तसेच सामान्य नागरिकांना न्याय मिळवून देण्यासाठी केलेल्या सातत्यपूर्ण प्रयत्नांची दखल घेत हा पुरस्कार देण्यात येत आहे. त्यांच्या कार्यामुळे राष्ट्रप्रेम, सामाजिक बांधिलकी व प्रगत महाराष्ट्राची मूल्ये अधोरेखित झाली असल्याचे पुरस्कार निवड समितीने नमूद केले आहे.
हा भव्य पुरस्कार सोहळा रविवार, दिनांक ८ फेब्रुवारी २०२६ रोजी ज्ञानज्योती सावित्रीबाई फुले सभागृह, गंज पेठ, पुणे येथे पार पडणार असून, नामवंत शासकीय अधिकारी तसेच चित्रपटसृष्टीतील मान्यवरांच्या हस्ते पुरस्कार प्रदान करण्यात येणार आहे.
प्रशांत जोगदंड यांचे कार्य केवळ वैयक्तिक यशापुरते मर्यादित नसून ते समाजासाठी प्रेरणादायी व राष्ट्रासाठी दिशादर्शक ठरले आहे. त्यांच्या या सन्मानामुळे देहूरोड परिसरासह संपूर्ण महाराष्ट्रात समाधान व्यक्त करण्यात येत आहे.
साऊ ज्योती सामाजिक संस्थेचे संस्थापक अध्यक्ष सचिन हळदे यांनी जोगदंड यांचे अभिनंदन करून त्यांच्या पुढील सामाजिक वाटचालीस शुभेच्छा दिल्या आहेत.
✍🏻मुख्य संपादक – लहू राम अडसूळ
